فلسطينية وافتخر

قالولك اسكت ما تحكيش
انت خلقت للتلطيش ...للحواجر للمعابر للتفتيش
كتبو على جبينك ينداس.. من الضابط للشاويش

***

فلسطيني قالولك ممنوع تعيش
فلسطيني ممنوع تثور ... ومش مسموح تكون مقهور
اياك تطالب بحقك ... أوعك بيوم تشوف النور

***

ممنوع تجدد هوية ... ممنوع تجدد بسبور
فلسطيني وبدك تتعلم ... هاي ألشغله ضد الدستور
فلسطيني لازم تتألم ... من دون ما يشوفك دكتور
فلسطيني ممنوع تتظلم ... ولا يطلع بجناحك ريش
فلسطيني ممنوع تعيش

***

فلسطيني بكل المطارات ... اسمك بالأحمر مكتوب
و على شباك مصلحة الجوازات ...كتبوا على جبينك مطلوب
لازم تتوقف ساعات ... مذنب او من دون ذنوب
و يتوجه الك اتهامات انك سبب كل الحروب
كانو بسببك الحق مات والعدل بأرضك مسلوب
وكأنك سبب النكسات وكل ازمات الشعوب
وكأنو بسببك مجرم فات على جنين بلحظة الغروب
ودبح صبيان و بنات و عجر على امرها مغلوب

***

مع انو الحقيقة ........ انا الي بالدنيا ضحية
عملتوني مادة للغنى ... وقضية للي ما عندو قضية
انا الي راسي ما نحنى ... بوجه الريح القوية
انا الي شعبي صمد .. في الضفة و بالرشيدية
انا الي شعبي انتفض و بحجر حارب دورية
واليوم و بكره وللأبد ... عنا كلمة وحدة هي



فــلــسـطـيني و افتـــــــــــخر